بسم الله الرحمن الرحيم
((قل اللهم مالك الملك تؤتي الملك من تشاء وتنزع الملك ممن تشاء وتعز من تشاء وتذل من تشاء بيدك الخير انك على كل شيء قدير ))
في هذا اليوم الثلاثاء 3 اغسطس 2011 ميلادي الموافق 3 رمضان 1432 للهجرة تمت محاكمة الرئيس المخلوع محمد حسني مبارك علنيا هو ونجليه ووزير داخليته وزبانيته وشاهده العالم وهو يقف متهما في قفص الاتهام
لا .. لم يكن واقفا !! بل كان نائما على سرير متحرك ارقده المرض بعد 30 عاما من الوقوف !!!!!!!
بعد السلطة والجبروت والمال والجاه كانت هذه النهاية
انها نهاية كل الظالمين في كل العالم , نهاية الظلم والظالمين حتى وان طال المطال
الظلم ظلمات في الدنيا والاخرة
اما حاله فكانت ((كلا بل ران على قلوبهم ما كانوا يكسبون))
وصدق قول الملك الجبار ((فاليوم ننجيك ببدنك لتكون لمن خلفك آية )) فمبارك اخر الفراعين
وكان حتميا ان تكون هذه النهاية
فهل من متعظ؟؟؟؟؟؟؟؟؟؟؟؟؟؟؟؟؟؟؟؟؟؟
ملحوظة : تم كتابة هذا الكلام يوم المحاكمة بس طلعت ع المدونة متأخر :)ة
طبعا انا جاية متأخر انا عارفة وراجعة ارغي في الموضوع ده تاني .. بس انا هقول كلام نفسي بجد يوصل للناس مش كنوع من الالاطة مني انا جاية اعمل فيها انا اللي فاهمة .. لا كنواع من المساهمة ولو بفكرة في الحلول للي بيقولوا عليها فتنة طائفية .. وربنا يقويني واعرف اوصل الكلام
اولا هبدأ باسمها (الفتنة الطائفية )
فانا لا ارى ان هذا الاسم مناسب لها لانك اما تقولي فتنة طائفية دي كلمة كبيرة اوي
فتنة طائفية يعني طائفة بغالبية من فيها دخلت شمال في طائفة اخرى بغالبية من فيها برضه
فا مش كل خناقة ولا حبة حاجات مش حلوة بين مجموعة قليلة من اي تيار او طائفة نقول عليها فتنة
و ده ليس تقليل من حجم المشكلة ولكنه تهوين على النفس عشان نعرف نتصرف من غير ارتباك
ثانيا بقى . اخش في المهم
كل الناس دلوقتي ما زالت تسأل من بالضبط المخطىء في احداث امبابة هل هم السلفيين ام هم المسيحيين ...
احب اقوله و بكل ثقة .. كلنا غلطانين ... ايوة كلنا غلطانين
انا و انت و الانسة والاستاذ وكل البني ادمين .
عارف ليه؟؟؟
لان المشاكل اللي زي دي متقدرش تحملها كلها على طرف اخر
للاسف الشديد اكبر المخطئين هو الاعلام الذي اعتاد على تحميل كل مشكله (لا اعرف ان كان بقصد او غير قصد) على فصيل بعينه او فئة معينة ودا اللي خلا الامور تتعقد اكتر
لاني ببساطة الاعلام عندما ظهر مسمى السلفيون على الساحة (ولا اعرف منذ متى بالضبط دأ كده من بعد الثورة ومش فاكرة السبب ) اصبح الاعلام يحاول تحميل السلفيين كل الاخطاء حتى ولو كانت المشكلة مشتركة مع فصائل اخرى
و خد عندك ..
موضوع قنا .. وفي عز ما كان الاعلام بيدافع عن كل اصحاب قضية ضد اي حد .. فجأة اظهر اللي في قنا دول ناس غير وطنية لمجرد انهم اعترضوا على المحافظ (بشخصه لانه لوا امن دوله وليس بدينه وان كان فيه فئة معترضة على الدين ) كان فيهم كام واحد بدقن
موضوع كاميليا .. انا عارفة ان السلفيين اخطأوا انهم خلوا الموضوع يستغرقهم و(افوروا ) اوي في الحوار ده
لكن في نفس الوقت كان على الكنيسة جزء من الخطأ لانها لم تكن صريحة من البداية وظلت تراوغ
غير كده .. خصصت العديد من القنوات منابرها الاعلامية لاجل العيب في السلفيين وفكرهم وكده و محاولة توقيعهم ف الغلط بالعافية مع انهم بيجيبوا الحوار على انه محاولة لتقريب وجهات النظر و رغم كده بيطلع الحوار يتحدث عن نفسه وكأنهم جايبين السلفي عشان يقولوله هم والضيوف (انت وحش متحاولش تحسن صورتك انت غير وطني و غير ديمقراطي وغيرها )
الامور دي خلت السلفيين العاديين (مش بس الحقيقة )اللي في الشارع واللي ممكن يكون مستوى علمهم مش كبير يتغاظوا ويحسوا بالقهر والحقد و ان الاعلام حاططهم فبي دماغه زيادة فكان من الطبيعي ان تكون ردة الفعل عنيفة (وده مش مبرر لهم ولكنها حقيقة )
خاصة انها اتت من ناس مستوى علمها غالبا مش كبير و من هنا بدأت المشاكل تكبر وتكبر وتكبر
و انفجر السلفيين (او مش كلهم ) بل مجموعة منهم فجالهم موضوع كاميليا ده ع الجرح حبوا يثبتوا نفسهم لكن للاسف لم يكن هناك وعي من غالبيتهم و في الاخر طلعت كاميليا برسالة مفادها (بتطلع لسانها للسلفيين وبتقولهم انا مسيحية و انتوا بتحطوا نفسكوا في مواقف بايخاااااااااااة )
قوم ايه بقى ناس من حبايبنا اللي الثورة خربت بيتهم حبوا يستغلوا الحمية اللي عند السلفيين في كل قضية قامت طلعتلنا قضية عبييييييييييييييييييييييييييييير
وطبعا تحرك مجموعة ليست كبيرة من الناس اللي بدقون في وسط الهوجة و بتغيب وعدم وعي قاموا موقعين نفسهم في حفرة و ثبتوا التهمة للاسف (بغباء )
ده حوار السلفيين و السبب في ما آلوا اليه ( من وجهة نظري المتواضعة جدا )
فالمسيحيين طبعا اما يشوفوا كده يقوموا محبي الندب شغالين في جو دول هياكلوووووووووووووونا واحنا ملناش حقووووووووووووووووق (على اساس المسلمين اللي كان ليهم مثلا ) و يستحلوها بقى و الاعلام يحرك والناس مصدقة ومتتبعة الموضوع
فكانت النتيجة مشكلة كبيرة كل طرف فيها حاول يبرأ نفسه منها والحقيقة ان كلنا اخطأنا
السلفيين اخطأوا انهم معرفوش يختاوا الوقت لتفجير القضايا وان قضية زي دي استغرقتهم بشكل كبير و خلتهم يقعوا في فخوخ كتيرة لحد ما ظهروا بشكل اعداء البني ادمين وان القمع حلال فيهم وانه ولا يوم من ايامك يا حوستي و الحوار ده
والمسيحيين غلطانين وعلى راسهم الكنيسة لانها عندت م الاول و لم تخضع للقانون و العامة صدقوا الكدبة بتاعة القلة المضطهدة وابتدوا يغنوا عليها
ةو الاعلام اخطأ لانه محاولش يحل اي حاجة وشعللها شعللها وقعد يصب في بنزين لحد ما ولعت
و الصفوة السياسية والدينية اخطأت لانهم كانوا اغلبهم على طرفي النقيض ومحدش فيهم حاول يصلح
و احنا الشعب غلطان عشان بيصدق وقاعد ولا بيعمل حاجة غير انه بيرغي ف كلام ممنوش فايدة و بيولعها كمان
و كطبعا الفلول غلطانين والبلطجية غلطانين وعبير غلطانه وكاميليا غلطانة وكلنا غلطانين
كلنا وحشين وكلنا غلطنا في حق مصر عشان كده مينفعش حد يكابر ةو ميعترفش ويحاول بقى يغير من نفسه بجد
اخر كلمة .. على فكرة الموضوع هيخلص وهنرجع زي السمنة على العسل تاني و نقعد سوا نتكلم في مستقبلنا بجد زي ما كنا في بميادين تحرير مصر
و لازم نبقى على طول الخط متفاءلين وواثقين في ربنا اللي كان معانا من اول الثورة و من قبلها .. وانا واثقة انه هيفضل معانا وهيحمينا بجد
ويلا كل حد فينا يعتذر و يقول لمصر من قلبه ..
حقك عليا يا مصر ...
Start blogging by creating a new post. You can edit or delete me by clicking under the comments. You can also customize your sidebar by dragging in elements from the top bar.
RSS Feed